Moro med ord og uttrykk!

Raud jonsokblom

Raud jonsokblom

Sommaren går fort, og vi held fram med å ta for oss aktuelle blomsterplanter så langt tida rekk. Denne gongen raud jonsokblom, ein karakteristisk art i nellikfmilien. Tidlegare var den kalla raud praktstjerne, og nettopp praktstjerne hugsar eg mor mi brukte. Men det er nok eit «bokleg» namn. Det latinske namnet er Melandrium rubrum.
Jonsokblom viser som vi skjønar til tidspunktet for blomstringa. Fleire andre nemningar har same motiv: Sankthansblomster, i Trøndelag også sankthansgull, jonsokkegras (Voss, Sogndal) og jensokblomster (Inner-Namdalen og Kvam i Nord-Trøndelag). Jensmessgull i Nordli har det svenske jensmess = jonsok. Somme stader har raud jonsokblom vore merke på at slåtten kunne begynne.
Hanekam er offisielt namn på ei anna plante, men det er også brukt om raud jonsokblom. Hanegull forekjem også, og raudhanagull i Vevlstad og Rana. Med dette kjem vi over på farge som namngivingsmotiv, og her er det mange: Raudsoleie fleire stader, rauddokke (Dovre), rødfiol (Hattfjelldal), raud smelldokke (Heidal), rød(e)gull (Velfjord, Værøy).
I Uvdal har ein brukt namnet «raueguriblomme» både om raud jonsokblom og tjæreblom (Viscaria vulgaris). Det er ikkje så sjeldan at desse to blir slått saman i den folkelege nemningsbruken, slik at t.d. tjurrublomster får omfatte begge artane.
Attluggublomster er spesielt for Oppdal. Bibelske motiv finn vi i maria bløde (Bardu, Målselv; truleg «Marias blodsdropar») og Salomos segl (Meldal). Poetisk klang har også brur(a)blomster o l (Bø i Telemark, Roan, Målselv) og kjærlighetsblomster (Vefsn, Hadsel). Kontrasten blir ganske stor til det siste namnet på raud jonsokblom som vi får plass til: lygartaske (Stor-Elvdal).

Advertisements

Single Post Navigation

One thought on “Raud jonsokblom

  1. per K. Bjørklund on said:

    Frå Sagvassdalen i Hamarøy: Han’skjægg (Normalisert: Haneskjegg). Her er det kronblada som i namnet blir samanlikna med hanen sin raude pynt; ikkje kammen, men dei raude lappane i strupen.

Legg igjen en kommentar

Fyll inn i feltene under, eller klikk på et ikon for å logge inn:

WordPress.com-logo

Du kommenterer med bruk av din WordPress.com konto. Logg ut / Endre )

Twitter picture

Du kommenterer med bruk av din Twitter konto. Logg ut / Endre )

Facebookbilde

Du kommenterer med bruk av din Facebook konto. Logg ut / Endre )

Google+ photo

Du kommenterer med bruk av din Google+ konto. Logg ut / Endre )

Kobler til %s

%d bloggers like this: