Moro med ord og uttrykk!

Om nettkråa

Vel møtt til denne språklege nettkråa! Her tar vi for oss den skatten som finst i det tradisjonelle ordforrådet i dialektane, og du er velkommen til å delta med innspel! Ein god del av det som blir tatt opp er ord og uttrykk som er i ferd med å gå ut av bruk. På denne bloggen vil vi friske opp- og kanskje hjelpe til å få i gang dialog om denne språklege ressursen. Vi skal sjå på historia til orda, kva dei kjem av, kor utbreidd dei er- alt slikt som mange diskuterer og kanskje går rundt og lurer på. Kan det knytast ei og anna god forteljing til orda, så er det plass for det! Mykje av folkehumoren vår er nemleg språkleg. Illustrasjonar blir det og, både av naturfenomen og anna. Vi legg ut ord og uttrykk jamleg. For: det er nok å ta av! Legg gjerne igjen kommentarar og kom med forslag til ord og uttrykk vi kan ta opp, slik at dette kan bli eit diskusjonsforum for dyrking av den gode dialektglosa! Også interessante nylagingar er det rom for!

Det blir lagt ut eit ord om dagen, under overskrifta «Dagens ord», med korte opplysningar om tyding, utbreiing og eksempel på bruk. Dette kjem i tillegg til dei litt lengre bitane. I tillegg er det spalter for bortkomne eller utdøande ord, og ein for splitter nye. Det er og ei spalte med lenker til dialektordsamlingar på nettet, pluss ein spalte med både kloke og spinnville utsagn om dialekt.
Vi vil også med jamne mellomrom legge ut bilde der vi bed folk finne fram til staden. I lag med løysinga kjem vi med tolking(ar) av namnet.

Frå november 2013 vil du under overskrifta «Sei det» finne link til dialektprogrammet med same namn på NRK Trøndelag, der du kan høre sendingane. Siste sending her gjekk på lufta 19.8.2015. Programmet er såleis dessverre nedlagt, men både Tor Erik og programleiar Aud Larsen Haug vurderer å ta konseptet med ut til folket. Ta kontakt dersom du er interessert i å ha eit lokalt Dialektmagasin!

Tekst/redigering: Tor Erik Jenstad: tor.erik.jenstad@gmail.com Mobil: 41562406
Foto/redigering: Unni Ulltveit: unul@online.no Mobil: 95827124.

Andre som har bidratt med bilde: Kristian Voldheim, Anders Johnsen, Oddbjørn Nærvik, Lars Arvidsson.
Bilde til geografigåta også Frode Myklebust, Eva Kjelstad, Jorid Elvine Myhre, Christine Goedecke, Turid Paulsrud Solberg, Berit Sandnes, Bjarte Øye, Gunnhild M. Aal og Tove Kristin Strømsvåg.

Ønsker du kåseri, bildevisning- evt. folkemusikkinnslag med ulik besetning? Ta kontakt! Du kan og få hjelp til å skrive sang til det som er din spesielle anledning!

Advertisements

5 thoughts on “Om nettkråa

  1. På dæssi siom hær var dæ my fræmmene ord før einn innleinning. Sku non ta dikk vara hoga på å sjå håssen ord je har, kæn di sjekke Dialektord i Torpa på http://www.kjenshaugmyra.net

  2. Rune Stavaas on said:

    På Kjørsøra hauL æ det herre: (Men det e’ læng sea no.)

    Næi kålles e’ det du sjer ut? Ha du sjittj dæ sjøL i spi’iljn? Ha du haft krægdo? Har du itj me’ dæ boinjingen? Ha’ du gått læns fer ga’n? Æ såg dæm ha tebbå’ på trilaktga’n på freninjen.

  3. tojk on said:

    Vaskeekte, typisk hemnværing dette. Takk for kommentaren, Rune Stavaas!

  4. Margareth Scheie on said:

    Hei. Vi -noen venner-har en dialog om ordet «kveldsete» – vi er uenige om det skal være » kvelds-ete» eller » kveld-sete» Har noen kjennskap til dette ordet?

Legg igjen en kommentar

Fyll inn i feltene under, eller klikk på et ikon for å logge inn:

WordPress.com-logo

Du kommenterer med bruk av din WordPress.com konto. Logg ut / Endre )

Twitter picture

Du kommenterer med bruk av din Twitter konto. Logg ut / Endre )

Facebookbilde

Du kommenterer med bruk av din Facebook konto. Logg ut / Endre )

Google+ photo

Du kommenterer med bruk av din Google+ konto. Logg ut / Endre )

Kobler til %s

%d bloggers like this: